VIÐGERÐARBYLTINGIN ER KOMIN TIL LANDSINS

Ert þú búin/nn að fá nóg af lélegri endingu tækja og búnaðar?
Restart Ísland hópurinn stendur reglulega fyrir opnum vinnustofum. Þangað geta þátttakendur komið með biluð raf- og rafeindatæki og fengið aðstoð frá sjálfboðaliðum við viðgerðir. Á þennan hátt komum við í veg fyrir ótímabæra sóun. Vinnustofurnar eru ókeypis og öllum opnar.

Viltu slást í hópinn? Hafðu endilega samband.

OKKAR FRAMLAG

Fjöldi þáttakenda

Fjöldi klst sjálfboðaliða

Fjöldi Restart vinnustofa

Rafmagnsrusl bjargað

Kolefnisáhrif

"There is no such thing as 'away'. When we throw anything away it must go somewhere."

- Annie Leonard

 
 

HVENÆR VERÐUR NÆSTA VINNUSTOFA?

HVENÆR? 
16. janúar 2019 - kl. 17-19

VINNUSTOFA Í FAB-LAB

Akureyri

HVENÆR? 
20. febrúar 2019 - kl. 17-19

VINNUSTOFA Í FAB-LAB

Akureyri

HVAÐ ER RESTART?

Rannsóknir sýna að við hendum oft raftækjum vegna minniháttar bilunar sem auðvelt er að gera við en borgar sig ekki að fara með á verkstæði. Þetta leysir Restart vinnustofa. 

Vinnustofur Restart Ísland eru í anda Restart Project vinnustofa í London. Um er að ræða þriggja klukkustunda langar vinnustofur þar sem sjálfboðaliðar með tæknilega hæfileika hjálpa þátttakendum að gera við minniháttar bilanir raftækja. Og það besta er að aðstoðin er þátttakendum að kostnaðarlausu. 

Verkefnið er algerlega rekið á góðgerðarformi,  með styrkjum frá fyrirtækjum, stofnunum og einstaklingum sem líta jákvætt til áhrifa þess. 

„Restart verkefnið vinnur bæði að umhverfisvernd og einnig gegn sívaxandi tilhneigingu raftækjaframleiðenda sem gera vörurnar sínar úreltar til að þrýsta á viðskiptavini 

að endurnýja.“
Tony Roberts, framkvæmdastjóri
Restart Project UK. 

 

 

AF HVERJU RESTART?

Ávinningurinn er margþættur. Í fyrsta lagi drögum við úr raftækjasorpi en það tvöfaldaðist í heiminum á árabilinu 2009-2014 og hefur enn aukist síðan þá. Í öðru lagi læra þátttakendur um tæki sín, hvernig má gera við einfaldar bilanir og lengja þannig líftíma raftækjanna. Og loks er þetta einfaldlega skemmtileg uppákoma með fólki sem er ekki sama um umhverfið.

FYRIR HVERJA ER RESTART?

Restart er fyrir alla þá sem er annt um umhverfið, vilja koma í veg fyrir ótímabæra sóun raftækja og vilja læra að takast á við tæknileg vandamál upp á eigin spýtur. Enginn er of gamall eða of ungur, enginn er of léttur eða of þungur, enginn er of ríkur eða of fátækur. Restart er fyrir alla sem vilja hafa áhrif á umhverfið sitt.

GET ÉG HJÁLPAÐ TIL?

Við erum alltaf að leita að sjálfboðaliðum sem búa yfir tæknilegri hæfni. Í okkar röðum eru tölvunarfræðingar, rafvirkjar og sjálflærðir snillingar. Við tökum öllum fagnandi. Hafðu endilega samband ef þú vilt láta gott af þér leiða sem leiðbeinandi á Restart vinnustofu. 

HVAÐ ER GERT Á SVONA VINNUSTOFUM?

Við hjálpum þér einfaldlega að vekja rafmagnstækið þitt til lífs á ný og láta það endast lengur. Við hjálpum þátttakendum að skipta um skjái, takka og tengi ásamt því t.d. að hreinsa viftur og hleðslutengi, uppfæra hugbúnað, stækka minni og annað sem hjálpað getur þínu uppáhaldstæki að lifa lengur. 

 

HVAR ERUM VIÐ?

Hringteigur, Akureyri, Iceland

773 8584

 

Kíkið á Facebook síðuna okkar!

  • Black Facebook Icon

Við erum að safna heimsóknum...

© 2018 - RESTART ÍSLAND